Хочацца новых знаёмстваў, карыснага адпачынку і бяспечнай атмасферы? TG House запрашае цябе на сапраўды беларускі квір-івэнт «Прастора»!

Калі: 16 жніўня ў 15:00
Дзе: адрас і падрабязнасці мы дашлем ў Signal або ў Telegram да 14 жніўня

У праграме:

• Speed-фрэндынг — хуткія размовы, каб пазнаёміцца і даведацца больш адно пра аднаго
• Квір-квіз — інтэрактыўная гульня з пытаннямі пра квір-культуру, гісторыю, правы, мемы і штодзённасць
• BBQ і закускі — агеньчык, пах дымку і смачная ежа: будзе шашлык і вегетарыянскія варыянты, гарніры, закускі і, канешне, бульба!
• Прысутнасць псіхолага — на івэнце будзе прафесійны псіхолаг, да якога можна будзе звярнуцца пры патрэбе ці проста паразмаўляць у бяспечнай прасторы

Для каго:

• Для квір беларуса_к, якія жывуць у Польшчы

Пра бяспеку

Мерапрыемства адбудзецца ў Варшаве на закрытай прыватнай тэрыторыі. Адрас будзе дасланы толькі зарэгістраваным удзельні_цам. Мы паважаем ананімнасць і падтрымліваем спакойную, прыязную атмасферу.

Кампенсацыя дарогі і пражывання:

Калі ты жывеш не ў Варшаве, але вельмі хочаш трапіць на івэнт — мы можам пакрыць выдаткі на праезд (квіткі) і аплаціць пражыванне ў хостэле ў 2–3-асабовых пакоях. Пазнач у форме рэгістрацыі, што табе патрэбна дапамога, — мы звяжамся з табой асобна.

Удзел бясплатны, але патрэбна рэгістрацыя па спасылцы.